ლუის სუარესმა მოახლოვებული „ელ კლასიკოს“ შესახებ ისაუბრა...

„სანტიაგო „ბერნაბეუზე“ თამაში ყოველთვის განსაკუთრებულ გრძნობებთან არის დაკავშირებული. „ელ კლასიკო“ ხომ განსხვავებული მატჩია, სადაც წინასწარ ვერაფერს გათვლი.“

„ვიცი, რომ სერხიო რამოსს პრობლემები აქვს და ქირურგიული ჩარევა სჭირდება. ისიც ვიცი, რომ ესპანელის წინააღმდეგ მომიწევს თამაში. მაქსიმალურად ვეცდები „რეალის“ კაპიტანს მოვუფრთხილდე და ტრავმა არ გავუმწვავო.“

„ნეიმარი ბრწყინვალე ფეხბურთელია. არ იქნება ურიგო თუ ვიტყვი, რომ მესის შემდეგ ყველაზე ეფექტური სწორედ ბრაზილიელია.“

„საფრანგეთში მომხდარმა ტრაგედიამ ყველა შეგვზარა. ახლა ყველა „ელ კლასიკოზე“ ფიქრობს და რისკების თავიდან ასაცილებლად ყველაფერი კეთდება. ეჭვი არ მეპარება, ყველაფერი მშვიდად ჩაივლის.“