რაფაელ ბენიტესმა დღეს კიდევ ერთხელ შეკრიბა მადრიდის „რეალის“ ფეხბურთელები და ვარჯიში გამართა...

გუნდი „ელ კლასიკოსთვის“ არასრული შემადგენლობით ემზადება, მაგრამ ბოლომდე იხარჯება და ცდილობს კონცენტრაცია სეზონის უმნიშვნელოვანეს შეხვედრაზე მოახდინოს.

ბენიტესის გადაწყვეტილებით კოლექტივთან ერთად რამდენიმე კასტილიელიც გახლდათ.

აღსანიშნავია, რომ რაფას განკარგულებაში იყო მარსელოც, რომელმაც თანაგუნდელებთან ერთად ივარჯიშა, მისი „ელ კლასიკოში“ თამაშის შანსი იზრდება.

კოლექტივთან ერთად არის სერხიო რამოსიც, რომელსაც ოპერაცია სჭირდება, თუმცა ქირურგიული ჩარევა ლუის ენრიკეს გუნდთან დაპირისპირების შემდეგ არის დაგეგმილი.

გუნდმა იმუშავა როგორც დაცვაზე, ასევე წინა ხაზის კომბინაციებზე, ასევე ყურადღება გამახვილდა მოკლე სივრცეში ზუსტ გადაცემასა და ბურთის ფლობაზე.