დღეს, ესპანეთის სეგუნდა ბ დივიზიონის მეორე ჯგუფში, მეცამეტე ტურის მატჩები გაიმართა.

ზინედინ ზიდანის დამოძღვრილებმა, გასვლითი შეხვედრა ჩაატარეს „გუადალახარას“ წინააღმდეგ და ერთ ბურთიანი სხვაობით დაამარცხეს მეტოქე - 1:2.თავდაპირველად, მე-14 წუთზე, მადრიდელები ენცო ზიდანმა დააწინაურა.65-ე წუთზე გილიემ მოახერხა ანგარიშის გათანაბრება, თუმცა 5 წუთის შემდეგ, მუნიოსმა მოაპოვებინა 3 ქულა „თეთრებს.“

ამრიგად, კასტილიელები 29 ქულით მეორე ადგილს ინარჩუნებენ და 3 პუნქტით ჩამორჩებიან ლიდერ „ბარაკალდოს.“

„რეალ მადრიდ კასტილიას“ შემადგენლობა: აბადი; დ.ფერნანდესი, სალტო, მ.ლორენტე, ტეხერო; მუნიოსი, ფებასი (ე.მარტინესი, 90+1); განფონინა, ე.ზიდანი, სედრესი (ა.ხიმენესი, 60); მარიანო.

მომავალ ტურში, ახალგაზრდა მადრიდისტები გათამაშების ლიდერს უმასპინძლებენ.