როგორც ჩანს, სამეფო კლუბში შექმნილი არასახარბიელო ატმოსფეროთი, ყველაზე მეტად კატალონიელი ჟურნალისტები ხარობენ, რომლებიც სტატიას სტატიაზე წერენ „რეალის“ მომავალთან დაკავშირებით.

Sport.es-ის ცნობით, მიმდინარე სეზონის დასრულებისთანავე, კლუბის პრეზიდენტი ხმაურიან წმენდას განახორციელებს შემადგენლობაში.არც მეტი არც ნაკლები, „თეთრების“ რიგების დატოვებას, კარიმ ბენზემასა და კრიშტიანუ რონალდუს უწინასწარმეტყველებენ.

პორტუგალიელისა და ფრანგის გაშვების შემდეგ, პერესი, რობერტ ლევანდოვსკისა და ედენ აზარის გადმობირებისათვის დაიწყებს ბრძოლას.რა თქმა უნდა, ამ შემთხვევაშიც, მისი მთავარი კოზირი იქნება ასტრონომიული თანხა, რომელსაც ზ/ხსენებული გაყიდვებიდან მიიღებს.

ბარსელონადან იუწყებიან, რომ ფლორენტინო ნებისმიერ შემთხვევაში აპირებს აღნიშნული გეგმის განხორციელებას.

Sport.Es