ბოლოდროინდელი მოვლენებიდან გამომდინარე, ახალგაზრდა შემტევს თავის გამოჩენის დიდებული შანსი ჰქონდა, თუმცა ვერაფრით გააოცა სამწვრთნელო შტაბი.

როგორც მოსალოდნელი იყო, „რეალის“ აკადემია გამოვლილმა ფეხბურთელმა, ბენზემასა და ბეილის დანაკლისით მიღებული სათამაშო წუთები გაანიავა და კვლავ დააფიქრა გუნდის ხელმძღვანელობა მის მომავალზე.მან ზედიზედ 4 შეხვედრა დაიწყო საწყისი წუთებიდან, მაგრამ ოთხივე შემთხვევაში მეორე ტაიმში შეცვალეს, რაც სასიხარულო ნამდვილად არ არის.

ინგლისური ტაბლოიდის ცნობით, ზამთრის სატრანსფერო ფანჯარაზე, „არსენალი“ აპირებს ხესესთვის ბრძოლას.„მეთოფეები“ 30 მილიონი ევროს გადახდასაც არ ითაკილებენ მის სანაცვლოდ.

ალბათ, შექმნილი სიტუაციიდან გამომდინარე, ურიგო არ იქნება როდრიგესის ტრანსფერზე დაყენება.რაც არ უნდა სამწუხარო იყოს, ტრავმის შემდეგ, მის თამაშში ბევრი კითხვის ნიშანია.

MARCA