„სეგუნდა ბ“ დივიზიონის მე-12 ტურში ზინედინ ზიდანის გუნდმა საკუთარ კედლებში მარიაონის ჰეტ-რიკის წყალობით „ფუენლაბრადა“ 3-2 დაამარცხა.

„კასტილიას“ სასტარტო შემადგენლობა: ალექსი, ფრანი, ლიეჰარტი, ტეხერო, ლეონი, სედრესი, მუნოსი, ლასო, მ.ლიორენტე, ოდეგაარი და მარიანო.

გოლები: 1-0, 2-2, 3-2 მარიანო [13'],[66'],[75'], 1-1 ხორხე [35'], 1-2 როვიროლა [56'].

აღსანიშნავია ისიც, რომ „კასტილია“ 57-ე წუთიდან ათი კაცით თამაშობდა, მოედნიდან ლეონი გააძევეს.

„ფუენლაბრადას“ დამარცხებით, ზიზუს გუნდი 26 ქულით მეორე ადგილზე იმყოფება და ლიდერ „ბარაკალდოსთან“ სხვაობა კვლავაც სამ ქულას შეადგენს.