რაფაელ ბენიტესმა „სევილიასთან“ მატჩის წინ პრესკონფერენცია გამართა...

„ურთულესი გასვლა გველის. „სევილიას“ პროგრსი ბოლო წლების განმავლობაში აშკარა და თვალნათლივია. უნაი ემერის გუნდი ძალიან სანახაობრივ და მიმზიდველ ფეხბურთს თამაშობს, რაც უფასდება კიდეც. ვიცით, რომ „სანჩეს პისხუანზე“ თამაში იოლი არ არის, მაგრამ მაქსიმალურ კონცენტრაციას ვახდენთ. ჩვენი მიზანი გამარჯვება და აქტივში 3 ქულის ჩაწერა იქნება.“

„შეცდომებზე საუბარი ზედმეტია, აქ უკვე სიზუსტე გვმართებს. ჩემი ფეხბურთელები მაქსიმალურად ეცდებიან, მეტოქეს საკუთარი სტილი მოახვიონ თავს და მატჩი საკუთარი კარნახით წაიყვანონ. ვიმედოვნევ, „სევილია“ სეზონის საუკეთესო მატჩს ჩვენს წინააღმდეგ არ ჩაატარებს. ყველაფერი უნდა ვიღონოთ იმისათვის, რომ მეტოქე გუნდის ფეხბურთელებს შესაძლებლობების გამოვლენის საშუალება არ მივცეთ.“

„გარეთ ბეილს დიდი დრო გაუცდა, უელსელი ფეხბურთელი განაცხადშია და გუნდი დახმარება შეუძლია. შეტევაში მისი ყოლა დიდი წარმატების საწინდარია. გარეთი ნელ-ნელა ჩადგება ფორმაში.“

„კარიმ ბენზემასთვის წინა კვირა სრულფასოვანი არ აღმოჩნდა. ფრანგი ფეხბურთელი მზად არ არის, აქედან გამომდინარე ანდალუსიაში გუნდთან ერთად არ იქნება, შემდეგ მატჩებში კი განაცხადს დაუბრუნდება. ამ ხნის მანძილზე „ცხრიანი“ 100%-ით შეძლებს დატვირთვას და მხოლოდ ფიტნესი არ შემოიფარგლება. სამწუხაროდ, ის ვერ ითამაშებს უნაი ემერის გუნდის წინააღმდეგ.“

„გასაგებია, რომ ბენზემას თამაში ძალიან მნიშვნელოვანია, ის გუნდს დიდ დახმარებას უწევს, თუმცა რისკზე წასვლა შესაძლოა, დამღუპველი აღმოჩნდეს.“

„ანდალუსიაში ასევე არ იქნება კეილორ ნავასი, რომელსაც კუნთების პრობლემები აქვს. „პსჟ“-სთან მატჩში ნავასი მოწოდების სიმაღლეზე იდგა, მაგრამ შემდეგ მითხრა, რომ დასვენება სჭირდება. ჩვენ გვყავს კიკო კასილია, რომელიც უმაღესი კლასის კარის დარაჯია, აქედან გამომდინარე, სანერვიულო არაფერია.“

„კრიშტიანო რონალდუ მადრიდის „რეალში“ ძალიან ბედნიერია. პორტუგალიელმა ფეხბურთელმა აგენტის მეშვეობით გვამცნო, რომ კარიერის დასრულება სწორედ სამეფო კლუბში სურს, რაც ნამდვილად დასაფასებელია. დარწმუნებული ვარ, რონი კვლავ გააგრძელებს გოლების გატანას და გუნდის დახმარებას.“

„ხამესი ბრწყინვალე ფეხბურთელია, მომწონს როდესაც მოთამაშეს ამხელა შემართება აქვს. კოლუმბიელმა ფეხბურთელმა თითქმის ორი თვე იუქმა, აქედან გამომდინარე, ფრთხილად უნდა ვიყოთ და ფორმაში ჩადგომაში დავეხმაროთ. როდრიგესი „რეალისთვის“ ბევრს ნიშნავს.“

„არაერთხელ ვისაუბრე კოლუმბიის ნაკრებზე, მაგრამ დავსძენ, რომ ყველაფერი მათი მთავარი მწვრთნელის გადასაწყვეტია. მე მსურს, ხამესმა შეინარჩუნოს რეაბილიტირებული მდგომარეობა და არ წავიდეს რისკებზე.“

„რთულია ისაუბრო „ელ კლასიკოზე“, როდესაც „სევილიასთან“ გაქვს სათამაშო. ჯერ „სანჩეს პისხუანზე“ უნდა მივაღწიოთ წარმატებას, შემდეგ კი კატალონიურ კლუბზე ვიფიქროთ.“

„რა ჩასჩურჩულა რონალდუმ ბლანს? ამაზე კომენტარს ვერ გავაკეთებ.“

„პრეზიდენტსა და რონალდუს შორის არანაირი დაძაბულობა არ არსებობს. ფლორენტინოს ინიციატივით, კრიშტიანო გენიალური ცერემონია მოუწყვეს, სადაც მისი ახალი რეკორდი აღინიშნა.“