მაინც რითი ხარ გამორჩეული TAU-ს სხვა კალათბურთელებისგან?

მე მიხარია, რომ გავხდი მადრიდის რეალის ბოლო შენაძენი. მიმაჩნია, რომ ნებისმიერი კალათბურთელის ოცნებაა ითამაშოს მადრიდის რეალში , ვინაიდან ის მსოფლიოს საუკეთესო კლუბია. მე რუსეთში სამი წელი გავატარე და ამ ხნის განმავლობაში მნიშვნელოვნად განვვითარდი. ეხლა უფრო დიდი გამოცდილება მაქვს და ვიმედოვნებ, რომ გავხდები ის კალათბურთელი, რომელმაც იცის თუ რა უნდა აკეთოს კრიტიკულ სიტუაციებში.

რას ელით, რა მოხდება, როგორც ინდივიდუალური ისე კოლექტიური განხრით?

ხალხი ძალიან იმედიანადაა განწყობილი ახალი პროექტის მიმართ. ჩემი აზრით, მთავარი მიზანი მაინც ყველა ჩემპიონატის მოგებაა, შევეცდები, რომ გავაკეთო ყველაფერი ისე, როგორც ამას ჩემგან მწვრთნელი მოითხოვს. მე მზად ვარ დავეხმარო კლუბს დაცვაში და თავდასხმაში, მოვუტანო ქულები და გავაკეთო ყველაფერი ისე, როგორც კლუბს დასჭირდება.



მთავარი მიზანი მაინც მადრიდის რეალის ევროელიტაში დაბრუნებაა. მოგწონთ თუ არა კლუბი, რომელთან ერთადაც მოგიწევთ თამაში?

მე მესინას ვიცნობ რუსეთიდან. მიმაჩნია, რომ ის მსოფლიოში ერთ-ერთი საუკეთესოა, ამასთანავე კლუბის ბევრ ფეხბურთელსაც ვიცნობ, ვინაიდან მათ წინააღმდეგ ბევრჯერ მომიწია წარსულში თამაშმა. მე ვიცნობ ბულოკსა და ფელიპე რეიესს. მე მიხარია, რომ დავბრუნდი ესპანეთში , ვინაიდან მიყვარს აქაური საჭმელები, ცხოვრების სტილი და რა თქმა უნდა, კლუბი. მე ვიყავი მზად დინამოს დასატოვებლად და ესპანეთში გადმოსასვლელად.



რისი გაკეთება შეგიძლიათ მადრიდის რეალისთვის?

ეს დამოკიდებულია იმაზე, თუ რა სურს მწვრთნელს. ჩემი აზრით, კლუბისთვის ბევრი რამის გაკეთება ძალმიძს. მე კარგად ვთამაშობ დაცვაში, ვაგროვებ ქულებს და ვარ კარგი გუნდური მოთამაშე. მე მომწონს მესინას ფილოსოფია, რომელიც ემყარება კლუბში ისეთი მოთამაშეების ყოლას, რომლებსაც შეუძლიათ ერთმანეთს დახმარება გაუწიონ მნიშვნელოვან/გადამწყვეტ სიტუაციებში. დიდი განსხვავებაა კარგ გუნდად და ჩემპიონად
ყოფნაში. ჩვენ გვინდა, რომ ვიყოთ ჩემპიონები.


იცი თუ არა რა როლის მინიჭება სურს შენთვის მესინას?



ანტონიო მაკეირასთან საუბრის შემდეგ, მე ვესაუბრე მესინას. მე მჯერა, რომ კლუბი მოუმატებს და კიდევ ბევრ დიდ ტრანსფერებს ვიხილავთ. ეს ხომ შესანიშნავი პროექტია.

გინდათ თუ არა , რომ კლუბს პრიგიონი შემოუერთდეს?

ჩემი აზრით, ის შესანიშნავი ადამიანი და ფანტასტიკური მოთამაშეა. ის ერთ-ერთი საუკეთესო მცველია და მე დიდი სიამოვნებით ვითამაშებდი მასთან ერთად მადრიდის რეალში, მაგრამ არ ვიცი, როგორ განვითარდება სიტუაცია.

იყავით თუ არა გაოცებული, როცა გაიგეთ, რომ თქვენით მადრიდის რეალი იყო დაინტერესებული?

მე ვესაუბრე მესინას რამდენიმე თვის წინ , მის ხელმძღვანელობის ქვეშ თამაშის შესახებ, ასე რომ მე ძალიან გაკვირვებული არ ვყოფილვარ. მე ვამაყობ, რომ აქ ვარ.

წყარო: realmadrid.com