მოგეხსენებათ, ნოემბრის თვეში, რამდენიმე დღით სანაკრებო პაუზა დაისადგურებს.

როგორც ცნობილია, პორტუგალიის ეროვნული ნაკრები ორ ამხანაგურ პაექრობას გამართავს რუსეთისა და ლუქსემბურგის წინააღმდეგ.ფერნანდო სანტოსის გადაწყვეტილებით კი, კრიშტიანუ რონალდუ „წითლებს“ არ შეუერთდება.არაფრის მომცემ შეხვედრებში, გოლეადორს დასვენების საშუალება მიეცემა.

ცხადია, მთავარი მწვრთნელის აღნიშნულ გადაწყვეტილებას მიესალმებიან მადრიდში, სადაც სანაკრებო ბატალიების შემდეგ, „ბარსელონას“ უმასპინძლებენ (21 ნოემბერს) და კრიშტიანუსაც უფრო მეტი დრო ექნება, რათა სათანადოთ მოემზადოს პრინციპული და მნიშვნელოვანი დაპირისპირებისათვის.

რაც შეეხება პეპეს, თუ მცველმა გამოჯანმრთელება მოასწრო, მას აუცილებლად მოუწევს ეროვნული ნაკრების მაისურის მორგება.

MARCA