მადრიდის „რეალი“ ბრაზილიელი ფეხბურთელის, მარსელო ვიეირას შემცვლელს ინტენსიურად ეძებს. ამ ინფორმაციას გამოცემა „მარკა“ ავრცელებს...

კარვახალმა ტრავმა მიიღო, თუმცა მას დანილოს სახით შესანიშნავი შემცველი ჰყავს, აქედან გამომდინარე პრობლემა არ იკვეთება, თუმცა მარსელოს შემთხვევაში საქმე რთულადაა.

ალვარო არბელოა ოპტიმალური ფორმისგან ძალიან შორს არის, ნაჩო ფერნანდესი კი ცენტრალური მცველის პოზიციაზე გაცილებით უფრო აქტიურია, ვიდრე ფლანგზე, აქედან გამომდინარე „ბლანკოსს“ სჭირდება ფეხბურთელი, რომელიც ბრაზილიელის შემცვლელი იქნება.

„მარკას“ ინფორმაციით, ზამთარში „ბლანკოსი“ მარცხენა მცველის შესაძენად ძალიან დიდ სამუშაოებს გასწევს.

ფლორენტინო პერესს ძალიან მოსწონს „ლევერკუზენელი“ ვენდელი და „ვოლფსბურგელი“ რიკარდო როდრიგესი. დიდია შანსი იმისა, რომ შენაძენი ბუნდესლიგის მოთამაშე იყოს.

დაველოდოთ მოვლენათა განვითარებას.