მადრიდის „რეალი“ ესპანეთის პრიმერადივიზიონში ერთადერთი დაუმარცხებელი გუნდია...

2010 წლის შემდეგ ლა ლიგაში, მსგავსი სეზონის სტარტი აღარ დაფიქსირებულა.

მას შემდეგ, რაც „ბალაიდოსზე“ სამეფო კლუბმა იმარჯვა, „სელტა“ აღარ არის გუნდი, რომელიც ლა ლიგაში დაუმარცხებელი იყო და ამ სტატუსით დღესდღეობით მხოლოდ მადრიდული გიგანტი სარგებლობს.

რაფაელ ბენიტესის შეგირდებმა 9 ტურში 6 გამარჯვება დააფიქსირეს, სამჯერ კი ყაიმს დასჯერდნენ.

„ბლანკოსს“ აქტივში 21 ქულა აქვს და „ბარსელონასთან“ ერთად ლიდერობს ლა ლიგას.

ბურთების დადებითი ბალანსი მართლაც აშკარა და თვალნათლივია, ვინაიდან დედაქალაქელებმა 21 ბურთს მოუყარეს თავი, საკუთარ კარში კი მხოლოდ სამი მიიღეს.

საშუალო სტატისტიკური მაჩვენებლის მიხედვით, მადრიდული გუნდი 2.3 გოლს იტანს თითოელ დაპირისპირებაში, საკუთარ კარში კი 3 თამაშში ერთხელ უშვებს.