საფრანგეთის ლიონი დაინტერესებულია მადრიდის რეალის მალელი საყრდენი ნახევარმცველით...

საქმე ეხება მაჰამადუ დიარას, რომელიც ,,ბლანკოსში” გადმოსვლამდე სწორედ ლიონში ირიცხებოდა, მალელი ფეხბურთელი სწორედ ფრანგულ კლუბში თამაშის დროს პროგრესირებდა და მიიპყრო რეალის ყურადღება. მოგეხსენებათ დიარამ შარშანდელი სეზონი ტრავმის გამო თითქმის სრულად გამოტოვა, ამიტომ მადრიდელები იძულებულნი გახდნენ, რომ გადაებირებინათ მისი პოზიციის მოთამაშე, რეალმა ლასი იყიდა, რომელმაც ყველა მოლოდინს გადააჭარბა და ძირითადში დაიმკვიდრა ადგილი.

ლასანა წინასასეზონო მომზადებასაც ყოველგვარი პრობლემების გარეშე გადის, იგი ძირითად შემადგენლობაში კვლავ გამოდის, მაჰამადუს კი პრობლემები ექნება და მომავალ სეზონში სამეფო კლუბის სასტარტოში მოხვედრა ძალიან გაუჭირდება.

ლიონმა რეალს გუნდის უდავო ლიდერი კარიმ ბენზემა დაუთმო და იმედი აქვს, რომ ,,ბლანკოსი” მაჰამადუს დაუთმობს. ფრანგები ფეხბურთელის სანაცვლოდ 16 მილიონ ევროს იხდიან, მოლაპარაკებები ჯერ-ჯერობით არ დაწყებულა, როგორც ფრანგული პრესა იუწყება, რამდენიმე დღეში მადრიდში ლიონის წარმომადგენელი გაემგზავრება და აწარმოებს მოლაპარაკებებს მალელ ფეხბურთელთან დაკავშირებით.