გუშინ, პაბლო ორბაისი შეხვდა ჟურნალისტებს და რამდენიმე შეკითხვას უპასუხა.

მან ჟურანლისტებთან შეხვედრა შემდეგი სიტყვებით დაიწყო "რეალი, ეს ისეთი კლუბია, დიადი, მე მათ და ბარსელონას რობოტებს შევადარებდი,რომლებიც არასდროს იღლებიან და ყველას ანადგურებენ ვინც წინ გადაეღობებათ"
"წინა სეზონში ჩვენ 2-5 დავმარცხდით. ეს იმას არ ნიშნავს, რომ უპირატესობა მათ მხარესაა. წინა წელს ორივე კლუბი იგივე მდგომარეობაში იყო რომელშიც წელს ვიყავით, უბრალოდ ახლა ჩვენ უფრო კომფორტულ მდგომარეობაში ვართ, ვიდრე წინა წელს ამ დროს. ხომ იცით რეალთან თამაში ყოველთვის სპეციალურია, მითუმეტეს ახლა როდესაც ჩვენ მოწინავე ადგილზე ვართ და ქულების დაკარგვისთვის დრო არ გვაქვს. ახლა წესი ასეთია, კარგავ ქულას - კარგავ ადგილს სატურნირო ცხრილში.

მან აგრეთვე ისაუბრა რეალის კაპიტანზე, რაულ გონსალეზ ბლანკოზე.
"ჩემთვის იგი ყოველთვის მისაბაძი ფიგურა იყო, იქნება და არის კიდეც. ძალიან მიკვირს მანუელის, რატომ არ აქცევს ყურადღებას რაულს. ბოლო დროს იგი თითქმის საერთოდ არ აძლევს თამაშის უფლებას, რაულს მხოლოდ მიზერული დრო ეძლევა სათამაშოდ რასაც ვერცერთი ფეხბურთელი ვერ გამოიყენებს თავის გამოსაჩენად."