მადრიდის "რეალის" კიდევ ერთი ფეხბურთელი, ლუკა მოდრიჩი "ფიფას ვირუსს" ემსხვერპლა.

ხორვატმა, სანაკრებო შეხვედრისას, ბულგარეთის ნაკრების წინააღმდეგ თამაშისას მიიღო ტრავმა. მას სრული მატჩი არ ჩაუტარებია და ხორვატიის ნაკრების ექიმი აცხადებს, რომ მოდრიჩი ვერ ითამაშებს მალტასთან შეხვედრას.

ბენიტესის გუნდში "ფიფას ვირუსი" უკვე 2 ფეხბურთელს აქვს, კარიმ ბენზემას და ლუკა მოდრიჩს.

"სამეფო კლუბის" ნახევარმცველი, რამდენიმე საათში ჩავა მადრიდში და ხვალ უკვე გვეცოდინება თუ რამდენად სერიოზულია, ლუკას ტრავმა.

როგორც მედია იუწყება, ხორვატი ფეხბურთელი "ლევანტესთან" შეხვედრას აუცილებლად გამოტოვებს, თუმცა არის იმის ვარაუდი, რომ მან "პსჟსთან" მატჩში მიიღოს მონაწილეობა.

ინფორმაციის წყარო: Defensacentral.com