მადრიდის „რეალის“ ყოფილმა მწვრთნელმა, კარლო ანჩელოტიმ მადრიდის „რეალსა“ და კრიშტიანო რონალდუს „პსჟ“-ში გადასვლასთან დაკავშირებით ისაუბრა...„

„სამეფო კლუბში ყველაზე დიდი მოთხოვნებია. მე იქ 2 შესანიშნავი წელიწადი გავატარე და საკმაოდ კმაყოფილი გახლავართ. თუ ვერ მოიგებ, კარისკენ მიგითითებენ, მათი ფილოსოფია ასეთია, აქედან გამომდინარე გაგებით მოვეკიდე ადმინისტრაციის გადაწყვეტილებას.“

„კრიშტიანო რონალდუ ჩემი გუნდის გამორჩეული მოთამაშე იყო, მისნაირებთან იშვიათად მქონია შეხება. ზინედინ ზიდანი, პირლო, მალდინი და სხვა გამორჩეული ფეხბურთელები, რომლებიც მოწოდებით არიან გამარჯვებულები.“

„არ ვფიქრობ, რომ რონალდუ „პსჟ“-ში გადავა. მეტიც, ჩემი აზრით, პორტუგალიელი ფეხბურთელი მადრიდში დაასრულებს კარიერას, მან რაულის რეკორდი დაამხო და გუნდის ყველა დროის საუკეთეო გოლეადორი გახლავთ, ეს არ არის პატარა შედეგი, ყველამ უნდა გავიაზროთ, რა მოახერხა „შვიდიანმა“ და დავაფასოთ ის.“