კრიშტიანო რონალდუსთვის წლევანდელი სეზონი არც ისე ნაყოფიერად დაიწყო, რაზეც სტატისტიკაც მეტყველებს...

ლა ლიგის 7 ტურის თავზე რონის ანგარიშზე 5 გოლია. ალბათ ბევრი ინატრებდა ასეთ შედეგს, მაგრამ ის კრიშტიანო რონალდუა, რომელმაც 6 შემთხვევაში მოედანი „მშრალად“ დატოვა. მადრიდის „რეალში“ გადმოსვლის შემდეგ მსგავს პრეცენდენტს ადგილი არ ჰქონია.

მიმდინარე სეზონში კრიშტიანო მადრიდის „რეალის“ ყველა დროის საუკეთესო მეგოლე გახდა, მაგრამ როგორც სჩანს, რეკორდებთან ერთად ანტირეკორდების დამყარებაც დაიწყო.

„ატლეტიკოსთან“ პაექრობაში, რამდენიმე მცდელობის მიუხედავად, პორტუგალიელმა ობლაკის კარის აღება ვერ შეძლო და კვლავაც ვერ ჩაიწერა აქტივში კიდევ ერთი ბურთი.