ალვარო არბელოა „მალმიოსთან“ მატჩში, დიდი ხნის პაუზის შემდეგ გამოჩნდა მოედანზე. ესპანელმა ფეხბურთელმა შეხვედრა გააანალიზა...

„ძალიან კარგად ვიცოდით, რომ მეტოქე საშინაო არენაზე შესანიშნავად გამოდიოდა. ისინი ფიზიკურად ძალიან ძლიერები იყვნენ, აქედან გამომდინარე დიდი ძალისხმევა გვმართებდა. შვედებს ორიენტაცია კონტრ-შეტევაზე ჰქონდათ გაკეთებული,, ამიტომ ყურადღებით უნდა გვეთამაშა დაცვაში. 3 ქულის მოპოვებით გახარებული ვარ. ვერავინ იტყვის, რომ გამარჯვებას არ ვიმსახურებდით, რადგან ორივე ტაიმში მადრიდის „რეალი“ სერიოზულ უპირატესობას ფლობდა და ძალიან გააზრებულ ფეხბურთს თამაშობდა.“

„კრიშტიანო რონალდუს შესაძლებლობებს საზღვარი არ აქვს. როდესაც რონი მადრიდში გადმოვიდა, მასზე დიდი ავანსები გაიცა, მაგრამ ალბათ არავინ იფიქრებდა, რომ ის სამეფო კლუბის ყველა რეკორდს დაამხობდა. პორტუგალიელი ფეხბურთელი ნამდვილი გენიოსია, ის კიდევ ბევრჯერ გაიტანს. ვფიქრობ, კოლექტივმა ყველაფერი უნდა გააკეთოს იმისათვის, რომ რონის წარმატების მიღწევაში დაეხმაროს, ის ესპანეთის დედაქალაქში ბედნიერად უნდა გრძნობდეს თავს.“

„ბოლო დროს მოედანზე შესვლის ბედნიერება იშვიათად მქონდა. მოხარული ვარ, რომ რაფამ შანსი მომცა და სასტარტო შემადგენლობაში დამაყენა. არ აქვს მნიშვნელობა პოზიციას, დაცვაში ნებისმიერ ადგილზე შემიძლია თამაში.“