მადრიდის „რეალში“ მიმდინარე მოვლენებმა, ტრავმები ეპიდემიამ და კრიშტიანო რონალდუს უფერულმა თამაშმა ფლორენტინო პერესი დააფიქრა...

აშკარაა, რომ რონალდუ სასურველ კონდიციისგან შორს არის. იმატა უზუსტობებმა, იკლო მარგი ქმედების კოეფიციენტმა, გოლებმა და ასე შემდეგ.

გასაგებია, რომ რონი 5 გოლით ბომბარდირობის კანდიდატია, მაგრამ 6-დან მხოლოდ 1 მატჩში გაიბრწყინა პორტუგალიელმა, რაც წინა წლებში არ მომხდარა.

ამასთანავე გუნდს შეტევაში უჭირს. გარეთ ბეილის შემცველი არ არსებობს. აშკარაა, რომ ხესე და ვასკესი სასურველ დონეზე ვერ თამაშობენ.

ფლორენტინო პერესი უკვე ძალიან სერიოზულად ფიქრობს, რომ გუნდის შეტევითი პოტენციალი გასაძლიერებელია და უპირველეს კანდიდატად ედენ აზარს მოიაზრებს, რომელიც ლონდონის „ჩელსის“ უდავო ლიდერი გახლავთ.

ჯერ-ჯერობით უცნობია, თანხის რა ოდენობას გაამზადებს პერესი ბელგიელი ფეხბურთელის სანაცვლოდ, მაგრამ ფაქტია, რომ „ბლანკოსი“ შეტევის გაძლიერებაზე სერიოზულად ფიქრობს.