მადრიდის „რეალმა“ მე-6 ტურში „მალაგასთან“ ფრე დააფიქსირა და ლა ლიგაში ლიდერობა დაკარგა...

სამეფო კლუბის მატჩის დაწყებამდე კატალონიის „ბარსელონამ“ იმარჯვა და დროებით პირველ ადგილზე გადავიდა. ყველა ელოდა, რომ ბენიტესის შეგირდები პირველობას განიმტკიცებდნენ, თუმცა ასე არ მოხდა.

მე-6 ტურის თავზე კი პირველ ადგილს არც „რეალი“ და არც „ბარსელონა“ იკავებს. „ვილიარეალმა“ სამი ქულა მოიპოვა და პირველ ადგილს 16 ქულით დაესაკუთრა.

მადრიდის „რეალი“ ლუის ენრიკეს გუნდს 1 ქულით ჩამორჩება, კატალონიელებმა 15 ქულა მოაგროვეს.