სამეფო კლუბი დიდი ხნის მანძილზე ცდილობდა "ლივერპულის" ცოცხალი ლეგენდის, სტივენ ჯერარდის გადაბირებას. ამის შესახებ თავად ფეხბურთელმა ისაუბრა, რომლის ინტერვიუსაც Halamadrid.ge ვრცლად გთავაზობთ.

"მადრიდის "რეალი" ბრწყინვალე და დიდებული კლუბია, ამაში ვერავინ შემეწინააღმდეგება. ისინი ყოველთვის ცდილობენ საუკეთესო ფეხბურთელების შეძენას და რა თქმა უნდა, მეც ძალიან მესიამოვნა, როდესაც მათი ინტერესის შესახებ შევიტყვე ჩემს მიმართ."

"მართალია, პერესი რამდენიმე წლის განმავლობაში აწარმოებდა ჩემს აგენტთან მოლაპარაკებას და ჩინებულ შემოთავაზებებს გვიკეთებდა, თუმცა მე "ლივერპულს" ჩემი კარიერის საუკეთესო წლებში ვერ დავტოვებდი. ეს გუნდი ჩემთვის ყველაფერია და მინდოდა მთელი ჩემი თავი სწორედ ინგლისური გუნდისთვის მიმეძღვნა. საბოლოოდ ასეც მოვიქეცი და სამეფო კლუბის მაცდურ წინადადებებს არ დავთანხმდი."

Marca.com