უგოლო სერია შეწყვეტილია

მადრიდის "რეალმა" და კარის მთავარმა დარაჯმა, კეილორ ნავასმა, "ბილბაოსთან", სან მამესზე, მშრალი სერია შეწყვიტა.

როგორც იცით, "სამეფო კლუბმა" ზედიზედ 5 თამაშში შეძლო კარის მშრალად შენახვა, რაშიც უპირველესი წვლილი კეილორ ნავასსა და მაღალი დონის დაცვას მიუძღვის. "თეთრები" აღნიშნულ 5 თამაშში: "ხიხონს"(0-0), "ბეტისს"(5-0), "ესპანიოლს"(0-6), "შახტარს"(4-0) და "გრანადას"(1-0) დაუპირისპირდნენ და გოლის გატანის საშუალება არ მისცეს.

საბოლოოდ "ბლანკოსის" რეკორდული მაჩვენებელი "სან მამესზე" საბინმა შეწყვიტა, სუსაეტას პასით.