როგორც მოგეხსენებათ, 19 სექტემბერს გაიმართა "მადრიდის რეალის" გენერალური ასამბლეა, სადაც ფლორენტინო პერესმა საზოგადოებას მიმართა

“ყველანი დარწმუნებულები უნდა ვიყოთ და ვართ კიდევაც, რომ ჩვენი ყველაზე დიდი სიძლიერე და კლუბის წინსვლისთვის აუცილებელი რამ, არის ერთობა. სწორედ ამ ერთიანობამ მოგვცა საშუალება გავმხდარიყავით ისეთი ძლიერი ინსტიტუტი, როგორიც დღეს ვართ და ეს კურსი შენარჩუნებულ უნდა იქნას. თუ ჩვენ ერთად დავდგებით, "მადრიდის რეალს" ვერავინ ვერ მოერევა."

"ჩვენ ჯერ კიდევ 2014 წელში ვართ, რომელიც ნამდვილად საუკეთესო წელი იყო ჩვენთვის. სწორედ ერთად დგომით მოვიგეთ დიდი ხნის სანატრელი მეათე ჩემპიონთა ლიგის ტიტული. სწორედ მაშინ დავამყარეთ ზედიზედ 22 მატჩიანი წაუგებელი რეკორდი და სწორედ იმ წლის გამო მივიღეთ წინა კვირას 2014 წლის მსოფლიოს საუკეთესო კლუბის ტიტული. წინა ორი წლის მანძილზე "მადრიდის რეალი" სათავეში ედგა უეფას საუკეთესო კლუბების რეიტინგს."

რაფა ბენიტესის მოსვლა

"ის "მადრიდის რეალისთვის" საუკეთეს მწვრთნელია, მან იცის აქაური მუშაობა და აქაური გული. ის გარანტია ხარისხისა და მძიმე შრომის. მწვრთნელი, რომელიც მოწადინებულია, რომ თავისი ფეხბურთელებისგან მაქსიმალური სარგებელი მიიღოს. ის ფეხბურთზე შეყვარებული კაცია და ჩვენ მას მივეცით შთამბეჭდავი შემადგენლობს, რომელშიც ყველაზე პოზიციაზე მსოფლიოში საუკეთესო ფეხბურთელები გამოდიან."

"ის წლების მანძილზე "მადრიდის რეალის" აღზრდილი იყო, მან იცის ეს კლუბი და კარგად ესმის აქაური მოთხოვნები. მისი მოსვლით მოვიდა გამოცდილება, რომელიც 20 წლიან სამწვრთნელო საქმიანობას მოიცავს, რომლის მანძილზეც მას ყველა ის ტიტული აქვს მოგებული, რისი მოგებაც შეიძლებოდა სპორტში."

შემადგენლობა

"ძალიან ძნელია ასეთი ნიჭიერი და ხარისხიანი შემადგენლობის რამით გაუმჯობესება. ჩვენ გავძლიერდით უძლიერესი ფეხბურთელებით, როგორებიც არიან დანილო, კოვაჩიჩი, კაზემირო, ჩერიშევი, ლუკას ვასკესი და კიკო კასილია. ბოლო ოთხი მათგანი კლუბის აკადემიის აღზრდილები არიან. გვაქვს ფუფუნება, რომ პირველ გუნდში გვყავდეს 10 ესპანელი და 9 აკადემიის აღზრდილი ფეხბურთელი .

იკერ კასილასის წასვლა

"იკერ კასილასმა და მხოლოდ იკერ კასილასმა მიიღო "მადრიდის რეალის" დატოვების გადაწყვეტილება. მიიღო რა შემოთავაზება "პორტოსგან" გვთხოვა დავხმარებოდით ამ საკითხის მოგვარებაში, ჩვენ კი, მისი კარიერიდან , მისი აქ ნამოღვაწარიდან გამომდინარე, დავთანხმდით, ვინაიდან სხვა ყველაფერთად ერთად, ის იმსახურებდა მისი აზრის პატივისცემას. ის "მადრიდის რეალის" და ესპანური ფეხბურთის ისტორიაში საუკეთესო მეკარეა. ის დაგვეხმარა, რომ ეს კლუბი უფრო ლეგენდარულად გვექცია და როგორც ადრე ვთქვი, მისი მაგალითი დიდხანს იცოცხლებს ამ კლუბს, ვინაიდან მისი მანერები, მისი კარიერა მუდამ იქნება ამ კლუბის აღსაზრდელებისთვის ბიძგის მიმცემი და მოტივატორი."

კრიშტიანო რონალდუ

"კრიშტიანო რონალდუ 2013/14 წლების საუკეთესო ფეხბურთელად დასახელდა ევროპაში და მან თავისი მესამე ოქროს ბურთი მოიგო. მან ასევე დაისაკუთრა მეოთხე ოქროს ბუცი და მესამე პიჩიჩის ჯილდო, როგორც ლა ლიგის ბომბარდირმა. ამ ყველაფრის გარდა, წინა კვირას მას გადასცეს 2014 წლის მსოფლიოს საუკეთესო გოლეადორის და მსოფლიოს საუკეთესო დივიზიონის გოლეადორის ჯილდო. ის წინა კვირას გახდა "მადრიდის რეალის" ისტორიაში საუკეთესო გოლეადორი ლა ლიგის მიხდვით, ხოლო უახლოეს დღეებში საერთოდ ისტორიაში საუკეთესო მეგოლე იქნება. ის უნიკალური ფეხბურთელია, რომელიც კიდევ დიდი ხნის მანძილზე მოგვანიჭებს სიამოვნებას."

ალფრედო დი სტეფანო

არც თუ ისე დიდი ხნის წინ, ჩვენ აღვნიშნეთ წლისთავი ჩვენი საპატიო პრეზიდენტის გარდაცვალებიდან. ის მუდამ იქნება ყველა მადრიდისტას გულში. ჩვენთვის, ის იყო მაგალითი იმისა, თუ რას წარმოადგენს "მადრიდის რეალი" მილიონობით ადამიანისთვის მსოფლიოს გარშემო. ის ყველა ჩვენი ღირებულებების გამომხატველია."

კალათბურთი

"კალათბურთის გუნდის მიერ ნაჩვენები შედეგი, შეიძლება დავახასიათოთ, როგორც იდეალური. ჩვენ მოვიგეთ აბსოლუტურად ყველაფერი და მათ შორის მეცხრე ევროპის თასი. ყველა ეს ჯილდო ერთად დგომით მოვიგეთ, ისევე როგორც, ლა დეციმა წინა წელს. ერთად, ჩვენს მოედანზე, ჩვენი გულშემატკივრების თვალწინ და ყველა მადრიდისტას გულმხურვალე მხარდაჭერის შედეგად. La Novena, the Endesa League, the Copa del Rey და Endesa Super Cup, ისტორიული მიღწევაა. არცერთ ესპანურ გუნდს ეს მანამდე არ გაუკეთებია."

აკადემია

"ჩვენ განვახორციელეთ და ჩავუშვით რესტრუქტურიზაციის პროცესი, რომლის უმთავრესი მიზანია ჩვენი ახალგაზრდა აღსაზრდელების მომზადების ხარისხის გაუმჯობესება და მათი განვითარების სტანდარტების უფრო მაღალ დონეზე აყვანა. სწორედ აქედან გამომდინარე, დავნიშნეთ ვიქტორ ფერნანდესი ახალგაზრდა აკადემიის დირექტორად, რომელიც ყურადღებას მიაქცევს განვითარებას, მენეჯმენს და კოორდინაციას ახალგაზრდული ასაკის ყველა ნაკრების მწვრთნელებს შორის, ვინაიდან კლუბი გეგმავს აქტიურად ითანამშრომლოს და შეავსოს საკუთარი რიგები, როგორც ადგილობრივი, ასევე საერთაშორისო ბაზრიდან."

მოედანი

"მადრიდისტებისთვის "სანტიაგო ბერნაბეუ" ჩიხესიმაგრეა. ჩვენი იმიჯი დიდწილად სწორედ მასზე დგას. როცა რამოდენიმე გულშემატკივარი სახალხოდ უსტვენს ჩვენს ფეხბურთელს ამ ციხესიმაგრის შიგნით, ჩვენ ვასუსტებთ იმიჯს და ვასუსტებთ ჩვენს გუნდის მეტოქის წინააღმდეგ. ჩვენი ტაში უნდა დავუკრათ საკუთარ ფეხბურთელებს, განსაკუთრებით კი მაშინ, როცა მათ ეს ყველაზე მეტად სჭირდებათ. "ბერნაბეუზე" მისვლა მხოლოდ უბრალოდ სტადიონზე მისვლა არაა, ეს ნიშნავს შენი ფეხბურთელის უკან დგომას და მის მუდმივ გამხნევებას. ესაა მათი მხარდაჭერა, მიუხედავად მოედანზე არსებული სიტუაციისა. სწორედ ამას ნიშნავს მადრიდისტობა. სწორედ ეს უნდა იყოს ჭეშმარიტება და ამის გადახვევა არ უნდა ხდებოდეს."

"მადრიდის რეალის" ღირებულებები

"ჩვენ ვითვლით 113 წლიან ისტორიას, რომლის მანძილზეც შევინარჩუნეთ საკუთარი იდენტობა. ტიტულები და მოგებები, რომლებიც გვქონია ამ ხნის მანძილზე, გარანტია იმისა, რომ მუდმივად უნდა ვიბრძოლოთ გაუმჯობესებისთვის. ამ კლუბში არ შეიძლება ერთ ადგილზე გაჩერება და მიღწეულით დაკმაყოფილება."

ფინანსური სიძლიერე

"ზედიზედ სამი წელია, "მადრიდის რეალის" სახელდება მსოფლიოს ყველაზე ძვირადღირებულ კლუბად, რასაც თან ახლავს ის ფაქტიც, რომ ჩვენ ყველაზე მაღალშემოსავლიანი კლუბი ვართ უკვე ზედიზედ ათი წელია. სწორედ ეს წამყვანი პოზიციები ასახავენ ჩვენს ფინანსურ სიძლიერეს."

წყარო: RealMadrid.com