დღევანდელ შეხვედრაში გატანილი 5 ბურთის წყალობით, რონალდუმ კიდევ ერთი რეკორდი დაამყარა.

პორტუგალიელმა სუპერვარსკვლავმა შეძლო და „ლა ლიგაში“ გატანილი გოლების რაოდენობით მადრიდის "რეალის" ისტორიაში საუკეთესო ბომბარდირის წოდება მოიპოვა. მან უკან მოიტოვა სამეფო კლუბის ლეგენდა, რაულ გონსალეს ბლანკო, რომლის ანგარიშზეც 228 გოლია.

აღსანიშნავია, რომ რაულს ამ რაოდენობის გოლების გასატანად 550 თამაში დასჭირდა, რონალდუმ კი ეს სულ რაღაც 203 შეხვედრაში მოახერხა.

ახლა კრიშტიანუ „ლა ლიგაში“ გოლების რაოდენობით მხოლოდ ლიონელ მესის(285), ტელმო ზარას(251) და უგო სანჩესს(234) ჩამორჩება.

Marca.com