ბენიტესი:„გუნდი ძალიან მოტივირებულია“
რაფაელ ბენიტესმა წინასამატჩო პრეს-კონფერენცია გამართა...
„ოპონენტს ყოველთვის უნდა სცე პატივი, სხვაგვარად ფიასკო გარდაუვალი იქნება. ჩემი ფეხბურთელები ენთუზიაზმით სავსეები და მოტივირებულები არიან. სანაკრებო ბატალიებს მიღმა დარჩენილი ფეხბურთელები ბრწყინვალედ მოვამზადეთ, შემდეგ კი კოლექტივში დანარჩენებიც შემოგვიერთდნენ. კატალონიაში ვიზიტისთვის მზად ვართ.“
„დღევანდელ სესიაზე თითოეული ფეხბურთელი 100%-ით ფოკუსირებული იყო. ვიმედოვნებ, ანალოგიური სურათი დაიხატება ხვალაც. ვფიქრობთ „ესპანიოლი“ კონტრ-შეტევაზე ითამაშებს, მაგრამ უნდა აღინიშნოს, რომ მათ მწვრთნელს ძალიან მოსწონს ბურთის ფლობაც.“
„კრიშტიანო რონალდუ დიდებული მოთამაშეა. რატომღაც ბევრს აკრიტიკებენ იმიტომ, რომ გასულ 2 ტურში გოლები გატანა ვერ მოახერხა, თუმცა ეჭვი არ მეპარება, პორტუგალიელი ფეხბურთელი ბოლომდე დაიხარჯება და მარგი ქმედების კოეფიციენტს კიდევ უფრო გაზრდის.“
„არაერთხელ მითქვამს და ახლაც ვიმეორებ, რომ დავიდ დე ხეა მანჩესტერის ფეხბურთელია, ჩვენ კი გვყავს კეილორ ნავასი, კიკო კასილია და რუბენი, რომლებიც ღირსეულად ატარებენ სამეფო კლუბის მაისურს.“
„გარანტიას არავის ვაძლევ და არც იმას ვიტყვი, რომ კეილორი სასტარო შემადგენლობის მეკარეა. მოედანზე ის გავა, ვინც საუკეთესო კონდიციებს გვაჩვენებს.“
„მას შემდეგ, რაც სატრანსფერო ფანჯარა დაიხურა, ვესაუბრე კეილორსა და მის მეუღლეს, მე მათ განვუცხადე, რომ მადრიდის „რეალი“ სრულ ნდობას ამჟღავნებს კოსტა-რიკელის მიმართ. ნავასი მზად არის, ითამაშოს კარგად.“
„შეშფოთებული ვარ, ვინაიდან ორი წაყმვანი ფეხბურთელი დამაკლდა, მაგრამ მაქსიმუმს გავაკეთებ დანაკლისის აღმოსაფხვრელად. სანაკრებო შეხვედრების შემდეგ ანალოგიური სიტუაცია არაერთხელ მქონია, მაგრამ ვერაფერს ვიზამთ.“
„დანილოს ტრავმის მიზეზებზე საუბარს არ ვაპირებ. როდესაც ბრაზილიელი სამშობლოში წავიდა აბსოლუტურად ჯანმრთელი იყო, მაგრამ ახლა აღდგენითი პროცესის გავლა მოუწევს.“
„ეროვნულ ნაკრებებთან ურთიერთობა ყოველთვის არსებობდა და იარსებებს, მაგრამ ვერაფერს ვიზამთ მაშინ, როდესაც ფეხბურთელი ტრავმას იღებს. მწვრთნელებმა არაფრისმომცემ დაპირისპირებაში ფეხბურთელები სრულად არ უნდა დატვირთონ.“
„პიკეზე არ მსურს საუბარი. არ ვფიქრობ, „ბარსელონას“ ესპანელ მცველზე. ჩემი საზრუნავი უახლოეს მომავალში „ესპანიოლის“ დამარცხება იქნება, შემდეგ კი წარმატებაზე ფიქრი.“
- 11 სექტემბერი 2015
- 5 294
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
