იკერ კასილასმა სლოვაკეთთან მატჩის დასრულების შემდეგ პრეს-კონფერემცია გამართა.

"ევრო 2016-ის შესარჩევ ეტაპზე დამაკმაყოფილებლად ვიასპარეზეთ. C ჯგუფში პირველი ადგილი ჩვენ დავიკავეთ და მაკედონიასთან საბრძოლველად ვემზადებით. მინდა თანაგუნდელებს დიდი მადლობა გადავუხადო თავდაუზოგავი შრომისთვის."

"დღევანდელ შეხვედრაში კარგი შთაბეჭდილება დავტოვეთ. შესანიშნავ ფორმაში ვართ და დამაკმაყოფილებლად მივყვებით ჩვენს გზას. სათამაშო სტილს ვანვითარებთ და ეს მნიშვნელოვანია. მეორე ტაიმში შანსები გვქონდა, რომელიც ვერ გამოვიყენეთ."

"პიკეს მატჩის მიმდინარეობის დროს გულშემატკივრებმა დაუსტვინეს და არასასიამოვნო სიტყვებით მოიხსენიეს. მართალია ფეხბურთელები შეცდომებს უშვებენ, თუმცა სტვენა სპორტსმენზე ძალიან ცუდად მოქმედებს და შეიძლება უფრო უარესი შედეგი მივიღოთ. ჩვენ მუშაობას გავაგრძელებთ და აუცილებლად გამოვასწორებთ ყველა ხარვეზს."

"რაც შეეხება "პორტოს", ეს არის ის რაც მე მჭირდებოდა. ესპანეთის საზღვრებს გარეთ შევიძინე ახალი მეგობრები და კოლეგები. მათთან ერთად ახალი მიზნები მაქვს დასახული. ჩემი ოცნებაა "პორტოს" ტიტულების მოპოვებაში დავეხმარო, რასაც წლების განმავლობაში მადრიდის "რეალთან" ერთად ვაკეთებდი."

Marca.com