რაფაელ ბენიტესმა მატჩისშემდგომი პრეს-კონფერენცია გამართა...

„მატჩის პირველ ნახევარში საშინლად ვიასპარეზეთ და მეტოქეს გოლის გატანის საშუალება არაერთხელ მივეცით, განსხვავებული იყო მეორე ნახევარი, თუმცა შეცდომის გაანალიზება აუცილებელი იქნება.“

„დამაგვირგვინებელ ფაზაში პრობლემები იყო. გადამწყვეტ გადაცემას ყოველთვის არასწორად ვაკეთებდით.“

„მეორე ტაიმში გუნდმა აჩვენა საკუთარი ხასიათი და ბრძოლისუნარიანობა, მაგრამ დროის გასვლასთან ერთად, ხიხონელები კიდევ უფრო ჩაიკეტნენ.“

„ყველაზე მთავარი მობილური თამაშია, სხვაგვარად ლა ლიგაში წარმატებას ვერ მიაღწევ.“

„ვწუხვარ, რომ გახსნით მატჩში 3 ქულა ვერ მოვიპოვეთ, მაგრამ წინ დიდი სეზონი გველის.“

„სპორტინგი ძალიან კარგად დაბალანსებული გუნდია, რომელსაც შეუძლია წარმატების მიღწევა. ფეხბურთელები თითოეულ ბურთზე ბოლომდე იბრძვიან და აჩვენებენ საკუთარ მოტივაციას.“

„ვერ ვიტყვი, რომ მასპინძლებმა ერთი ქულა არ დაიმსახურეს.“