სერხიო რამოსმა ფლორენტინო პერესის გამოსვლის შემდეგ კომენტარი გააკეთა...

„დიდ მადლობას ვუხდი ჩემ ძმას, რომელმაც ძალიან ბევრი იმუშავა. ახალი კონტრაქტი გაფორმებულია. 10 წლის წინ „რეალს“ შემოვუერთდი, ახლა კი თავი ესპანეთის დედაქალაქს კიდევ 5 წლით დავუკავშირე. ბედნიერი და გახარებული ვარ.“

„ასევე უდიდეს მადლობას ვუხდი სამწვრთნელო შტაბს, მეგობრებსა და გულშემატკივრებს, რომლებიც ბოლომდე მიჭერდნენ მხარს. მათ უდიდესი როლი ითამაშეს.“

„იკერ კასილიასის წასვლა ჩემთვის ყოველთვის დიდი დარტყმა და ტკივილი იქნება. ესპანეთის ნაკრების ლეგენდასთან ყოველდღიური ურთიერთობა მაქვს, ჩვენ უახლოესი მეგობრები ვართ. მაქვს პატივი, მისი უფლებამოსილება ჩემზე გადმოვიდეს და „ბლანკოსს“ გავუძღვე. კასილიასისგან ძალიან ბევრი რამ ვისწავლე, ის ლეგენდაა.“

„დარწმუნებული ვარ, ლეგენდარული კაპიტანი მადრიდისტებს არასდროს დაავიწყდებათ, ის პატივსაცემი პერსონაა.“

„არ შეიძლება არ იყო ბედნიერი, როდესაც „რეალის“ კაპიტანი ხდები. ეს არის უდიდესი სიხარული და ამავე დროს პასუხისმგელობა, რომელიც ვიტვირთე. ჩვენ ერთად მივაღწევ წარმატებას Hala Madrid!“