ასენსიოს დამატებით „ვილიარეალიც“ დაინტერესდა
ABC-ს ინფორმაციით, მადრიდის „რეალის“ ახალგაზრდა ფეხბურთელის, მარკო ასენსიოს დამატებით „ვილიარეალი“ დაინტერესდა...
„მალიორკას“ ყოფილი ფეხბურთელი რაფაელ ბენიტესს ძალიან მოსწონს, მაგრამ ფაქტობრივად, გამოუვალ მდგომარეობაშია ჩავარდნილი.
ასენსიო პერსპექტივით სავსე ფეხბურთელია, რომელსაც მოედნის ბრწყინვალე ხედვა, შესანიშნავი პასი და უდიდესი ტექნიკური არსენალი აქვს, მაგრამ სასტარტო შემადგენლობაში ისკოს, ხამეს როდრიგესს, მოდრიჩს და სხვებს კონკურენციას ვერ გაუწევს.
სათადარიგოთა სკამზე დასასმელად ასენსიო „ბლანკოსს“ არ სჭირდება, აქედან გამომდინარე მსურველი კლუბების წინადადებებს განიხილავს.
მარკოზე არაერთი კოლექტივი აცხადებს პრეტენზიას, საუბარი რა თქმა უნდა, იჯარაზეა.
დღეს გავრცელებული ინფორმაციით, „ვილიარეალის“ ხელმძღვანელობას ფლონტინო პერესისთვის რეალური წინადადებით მიუმართავს.
„ყვითელი წყალქვეშა ნავის“ ხელმძღვანელობა ახალგაზრდა ფეხბურთელს მუდმივ სათამაშო პრაქტიკას ჰპირდება.
- 16 აგვისტო 2015
- 1 282
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
