ხესე როდრიგესი მეორე ფორვარდად მოიაზრება.

ესპანელი არ არის ტიპიური ფორვარდი, ისეთი, როგორიც "სამეფო კლუბს" ჰყავდა ბოლო ათწლეულის განმავლობაში რუუდ ვან ნისტელროისა და მაიკლ ოუენის სახით. მაგრამ ერთი რამ ცხადია, ის არის იმ სტილის მოთამაშე, რომელიც თეთრების თავკაცს ძალიან მოსწონს და იმ შემთხვევაში, თუ დარჩენილი ორი კვირის განმავლობაში პერესი ვერ შეძლებს ახალი ფორვარდის დამატებას, სწორედ ახალგაზრდა ესპანელი მოიაზრება ბენზემას შემცვლელად.

თუ ხესემ ვერ გაამართლა ცხრიანის პოზიციაზე, არც ეს იქნება დიდი პრობლემა ბენიტესისათვის, რადგან გუნდში ირიცხებიან ისეთი ფეხბურთელები, როგორიცაა კრიშტიანუ რონალდუ და გარეთ ბეილი. ორივე მათგანს თავისუფლად შეუძლიათ გამოკვეთილი ფორვარდის ფუნქციები შეითავსონ.

თუმცა, ახალი ფორვარდის დამატების შემთხვევაში დიდი პრობლემები შეექმნება როდრიგესს სათამაშო დროსთან დაკავშირებით. ძირითად გუნდში იგი თითქმის უშანსოდ დარჩება.

ზეგ გაიმართება "სანტიაგო ბერნაბეუს თასის" მატჩი "გალათასარაის" წინააღმდეგ, რომელიც კიდევ ერთი იდეალური საშუალება იქნება ახალგაზრდებისათვის. იმის გათვალისწინებით, რომ ხვალინდელ შეხვედრაში მონაწილეობას ვერ მიიღებს კარიმ ბენზემა, ხესეს კიდევ უფრო დიდი შანსი ექნება სასტარტოში მოხვედრის და თავის გამოჩენის. მან უნდა დაამტკიცოს, რომ ღირსია იყოს ალტერნატიული ნომერი 9.

MARCA