დღეს, დილას, მადრიდისტებისთვის ძალიან სასიამოვნო და სასიხარულო ინფორმაცია გავრცელდა. რაფაელ ბენიტესმა შეიტყო, რომ გუნდის უდავო ლიდერს და მთავარ მეგოლეს, კრიშტიანო რონალდუს 100%-იანი დატვირთვის მიღება შეუძლია...

პორტუგალიელი ფეხბურთელი მომავალ ვარჯიშზე სრულად დაიტვირთება და 9 აგვისტოს, ამხანაგურ დაპირისპირებაში მიიღებს მონაწილეობას.

ბენიტესის შეგირდები „ვალერენგასთან“ გააგორებენ ბურთს. ეს იქნება ბოლო შეხვედრა, რომელიც პრე-სეზონის ეგიდით გაიმართება.

„მერენგებისთვის“ ლა ლიგა სტარტს 23 აგვისტოს აიღებს, პირველ შეხვედრაში დედაქალაქელები ხიხონის „სპორტინგს“ დაუპირისპირდებიან.

სამწვრთნელო შტაბში იმედოვნებენ, რომ კრიშტიანოსთან ერთად კარიმ ბენზემას დროულად დაბრუნდება და 23-ისთვის სრულ მზადყოფნაში იქნება.