მადრიდისტების უმეტესობისათვის ძალიან სასიხარულო ინფორმაცია გავრცელდა, თუმცა ზოგი რიგი მაინც გულდაწყვეტილი დარჩება, როდესაც გაიგებს, რომ ალვარო არბელოამ კარიერა შესაძლოა, ამერიკის შეერთებულ შტატებში გააგრძელოს...

ბოლო წლებში შტატებს არეართი მაღალი დონის ფეხბურთელი შეუერთდა, მათ რიცხვს კი შესაძლოა, ესპანელი განაპირა მცველიც შეემატოს, რომლის შანსები მინიმალურია, ვინაიდან კონკურენცია დანიელ კარვახალი და დანილო უწევენ.

მიუნხენის „ბაიერნთან“ მატჩში, რაფაელ ბენიტესმა ალვარო მარცხენა ფლანგზე გამოიყვანა, თუმცა ესპანელი არც მარსელოს პოზიციაზე ყოფილა პროდუქტიული.

ესპანეთის დედაქალაქში არბელოა მას შემდეგ აითვალწუნეს, რაც მასსა და იკერ კასილიასს შორის დაპირისპირება მოხდა. კაპიტანი ისე წავიდა გუნდიდან, რომ ალვაროსთვის ერთი სიტყვა არ უთქვამს, ისინი ერთმანეთს უკვე 2 წელიწადია არ ესაუბრებიან.

გავრცელებული ინფორმაციით, მადრიდში ჟრიამულია, ფანების დაახლოებით 85% ალვაროს გაშვებას თანხმდება, გარკვეული ნაწილი კი თვლის, რომ მადრიდისტა გუნდში უნდა დარჩეს.

TMW-ს ინფორმაციით, არბელოას სხვა კონტინენტზე წასვლის შანსი მართლაც დიდია.