მადრიდის "რეალის" პორტუგალიელი ვარსკვლავი სულ უფროდაუფრო მიიწევს ცენტრფორვარდის პოზიციისკენ.

გასულ სეზონში, რონალდომ 61 გოლი გაიტანა. აქედან მხოლოდ ხუთი ბურთი შეაგდო მან საჯარიმოს ფარგლებს გარედან. დანარჩენი 56 კი კრიშტიანომ საჯარიმოს ნიშნულის შიგნიდან გაიტანა. აქედან 14 გოლი ექვსმეტრიანი რადიუსიდან მიითვალა, ხოლო 13-ჯერ მეტოქის კარი პენალტით აიღო.

აღსანიშნავია ისიც, რომ რონიმ 38-ჯერ მოახერხა მოწინააღმდეგი კარის ბადეში ბურთის გადაგზავნა ერთი შეხებით. აქედან 17 გოლი თავური დარტმით გაიტანა პორტუგალიელმა ფეხბურთელმა.

გასული სეზონის მაჩვენებელი შესრულებული პენლების მიხედვით შემდეგია. 16 დარტყმა, 13 გოლი. რონიმ 81%-იანი მაჩვენებელი დააფიქსირა თერთმეტმეტრიანი დარტყმების მიხედვით.

ეს ყველაფერი იმაზე მიუთითებს, რომ რონალდო პოზიციურ ცვლილებასთან ახლოსაა. პროტუგალიელი ვარსკლვავი უკვე თითქმის ტრადიციულ "9" ნომრად ჩამოყალიბდა და ბენიტესის გადაწყვეტილებით სწორედ ცენტრალური თავდამსხმელის პოზიციაზე უნდა ითამაშოს მან.

Marca.com