სამკვირიანი მუშაობის შემდეგ, მადრიდის "რეალის" თავკაცმა ყველა მოთამაშე გამოსცადა. მისი აზრით, გუნდის შემადგენლობა საკმაოდ დიდია და დროა მან ფეხბურთელების გაცხრილვაზე დაიწყოს ფიქრი.

ვინ იქნება ძირითადი შემადგენლობის მეკარე? ვის რა პოზიციაზე შეუძლია თამაში? რამდენად საიმედოა ახალგაზრდა ფეხბურთელები? ამ კითხვებზე პასუხს ბენიტესი სულ მალე გასცემს. იგი ვალდებებასის საწვრთნელ ბაზაზე დაბრუნდა, სადაც საბოლოო ტაქტიკისა და ძირითადი შემადგენლობის ჩამოყალიბებას ეცდება.

რაფა გახარებული და კმაყოფილია ფეხბურთელების გარჯით ავსტრალიისა და ჩინეთის ტურის მიმდინარეობის დროს. მისი განცხადებით მადრიდი "რეალის" ფეხბურთელები მაღალი დონის ოსტატობით გამოირჩევიან, თუმცა ეს იმას არ ნიშნავს, რომ ესპანელმა სპეციალისტმა თავის შეგირდებში ნაკლები ვერ მოძებნა.

როგორც სპორტული გამომცემლობა Marca იტყობინება, ბენიტესი მზად არის ძირითადი შემადგენლობის დასასახელებლად. სამწუხაროდ სამეფო კლუბის თავკაცს გუნდიდან რამდენიმე მოთამაშის გაშვებაც მოუწევს. სწორედ ამ შემადგენლობის შესადგენად ემზადება რაფა.

Marca.com