ბრაზილიელი ნახევარმცველი საბრძოლვევლად ემზადება.

"მილანის" წინააღმდეგ მატჩში რაფა ბენიტესმა კაზემიროს მთელი 90 წუთი მისცა. ახალგაზრდა ფეხბურთელმა კი უმაღლეს დონეზე იასპარეზა და გუნდის მწვრთნელს თავისი შესაძლებლობები დაუმტკიცა. იგი ძალიან ბევრს მოძრაობდა მოედნის შუაგულში და მეტწილად მეტოქის განეიტრალებას ახერხებდა.

აღსანიშნავია, რომ კაზემირომ ლუკა მოდრიჩის გვერდითაც ითამაშა და ტონი კროოსთან ერთადაც ცდილობდა თამაშის დალაგებას ცენტრში. ორივე ფეხბურთელთან თამაშისას, კაზემიროს სტილი უცვლელი იყო. იგი ერთი და იგივე ფუნქციას ასრულებდა ორივე შემთხვევაში.

ბრაზილიელი ფეხბურთელი ბენიტესის დავალებებს უნაკლოდ ასრულებს. იგი მარჯვნიაც თამაშობს, მარცხნივაც, მცველების დახმარებასაც ცდილობს და აგრეთვე ორიენტირებულია სწრაფი შეტევის წამოწყებისკენ. აღნიშნულ კომპონენტებში უკანასკნელი შეხვედრიდან გამომდინარე მადრიდელთა მეთოთხმეტე ნომერს ნაკლი არ მოეძებნება.

მას შემდეგ, რაც კაზემირო მადრიდის "რეალში" დაბრუნდა, იგი ყოველ ვარჯიშზე ბოლომდე იხარჯებოდა და ცდილობდა მწვრთნელის ნდობის მოპოვებას. საბოლოო ჯამში, როგორც ჩანს მან ეს მოახერხა, რადგან ბენიტესმა ერთ-ერთი ინტერვიუს დროს გამორჩეულად შეაქო ბრაზილიელი ნახევარმცველი.

Marca.com