ფაბიო კოენტრაუმ მადრიდში დაბრუნებული თანაგუნდელები მოინახულა და ბაზიდან კომენტარიც გააკეთა...

„აღდგენითი პროცესი გეგმის მიხედვით მიმდინარეობს, გაორმაგებული ძალებით ვვარჯიშობ იმისათვის, რომ სეზონს სტარტს ჯანმრთელ მდგომარეობაში შევხვდე.“

„სამწუხაროდ, პრე-სეზონის ნახევარზე მეტი გამიცდა. ვერ ვიმოგზაურე ჩინეთსა და ავსტრალიაში, მაგრამ ვიმედოვნებ, მალე შევძლებ დატვირთვის მიღებას.“

„გერმანიაში ჩემი გამგზავრება ფაქტობრივად, გამორიცხულია, თუმცა ეჭვი არ მეპარება, ჩემი თანაგუნდელების წარმატებაში.“

„კონკურენცია? როდესაც მადრიდის „რეალში“ თამაშზე თანხმობას აცხადებ, უნდა გაითავისო, რომ უმაღლესი კლასის ფეხბურთელებთან მოგიწევს კონკურენცია, აქედან გამომდინარე ეს ყველაფერი უცხო არ არის. დაბრუნების შემდეგ, ბოლომდე ვიბრძოლებ ძირითად შემადგენლობაში ადგილის მოსაპოვებლად.“