მარტინ ოდეგარმა მადრიდის „რეალი“ უნდა დატოვოს, ვინაიდან უდიდესი პერსპექტივა აქვს, რომლის განვითარება „კასტილიაში“ წარმოუდგენელია“ - ეს სიტყვები ლეგენდარულ ნორვეგიელ ფეხბურთელს, ჯონ კარეუს ეკუთვნის...

„ვფიქრობ, მარტინი გონს უნდა მოეგოს. „ვალენსიაში“ ვთამაშობდი და ვიცი, თუ რა ხდება ესპანეთში. მადრიდის „რეალი“ ყოველთვის გრიმიტობს, თუმცა ოდეგარი „კასტილიას“ მოთამაშეა.“

„რაფაელ ბენიტესის გადაწყვეტილება, ჩემი თანამემამულის ტურნეში წაყვანის შესახებ ნამდვილად მოსაწონია, თუმცა ის მთავარ კოლექტივში ფეხს სავარაუდოდ, ვერ მოიკიდებს.“

„ჩემი აზრით, ოდეგარი „ბლანკოსს“ მინიმუმ 2 წლით უნდა გამოემშვიდობოს და გუნდში დიდი გამოცდილებით დაბრუნდეს, სხვაგვარად „მერენგების“ რიგებში წარმატების მიღწევა წარმოუდგენელი იქნება.“

„ჩვენმა ქვეყანამ მარტინის დონის ფეხბურთელი არ უნდა დაკარგოს. ნორვეგიის ნაკრებს ახალგაზრდა ტალანტი ჰყავს.“