რაფაელ ბენიტესი დაცვაზე უდიდეს ყურადღებას ამახვილებს, თუმცა ეს იმას არ ნიშნავს, რომ სამეფო კლუბი აგრესიულ ფეხბურთს არ თამაშობს...

აღსანიშნავია, რომ „მერენგებმა“ პრე-სეზონის 4 დაპირისპირებაში მხოლოდ ერთხელ გაუშვეს გოლი. კეილორ ნავასის კარის აღება მანჩესტერ „სიტიმ“ შეძლო.

რაფა ბენიტესის შეგრიდებმა პირველი მატჩი „რომასთან“ ითამაშეს და თერთმეტმეტრიანების სერიაში დამარცხდნენ.

შემდეგ იყო „სიტისთან“ უხვგოლიანი დაპირისპირება. „მერენგებმა“ პელეგრინის გუნდს 1-4 მოუგეს და სწორედ იმ შეხვედრაში გაუშვეს ერთადერთი გოლი.

რაც შეეხება „ინტერს“. რობერტო მანჩინის გუნდი „ბლანკოსმა“ უშანსოდ დატოვა. (0-3).

და ბოლოს, „მილანთან“ მადრიდული გიგანტი მეგობრულად დაზავდა (0-0), თუმცა პენალტების სერიაში რაფაელის გუნდმა იმარჯვა.


4 მატჩში გატანილი 7 გოლი და გაშვებული 1. ბენიტესის გუნდი საშუალოდ, თითო მატჩში 2 გოლს იტანს, საკუთარ კარში კი 0.25 გოლს უშვებს.