რაფა ბენიტესმა "ინტერის" დამარცხების შემდეგ პრესკონფერენცია გამართა.

"ფეხბურთელებმა თავიანთი შესაძლებლობები გვიჩვენეს. დაცვაშიც და შეტევაშიც კარგად ვითამაშეთ და გამარჯვება დამსახურებულად მოვიპოვეთ. ჩემი მოთამაშეები კარგ ფორმაში არიან და ეს ძალიან მახარებს."

"ყოველთვის ვცდილობ ყველა გუნდის წევრს მივცე მინდორზე გამოსვლის შანსი. სეზონის წინა სამზადისი სწორედ ამიტომ იმართება. ტურნეზე ისინი აუცილებლად ეცდებიან თავის გამოჩენას. დღეს სასტარტო თერთმეტეული მეორე ტაიმში სრულად შევცვალე."

"ხესე ნიჭიერი ფეხბურთელია. ახლა მან ფიტნესს უნდა მიხედოს, დანარჩენი ყველაფერი დამაკმაყოფილებელია. როდესაც იგი ბურთს იღებს მე მასში ვხედავ დიდ მოტივაციას. ხესე ახალგაზრდა ფეხბურთელია, რომელიც ძალიან მონდომებულია და ბოლომდე იხარჯება. ამას ძალიან ვაფასებ."

"დაცვითი ფეხბურთი ჩემი სტილი არ არის. მე უფრო შეტევის მოყვარული ვარ. თუმცა, მიუხედავად ამისა, ჩემს შეგირდებს ყველაზე ხშირად დაცვაზე ვესაუბრები. დღეს ვიხილეთ მაღალი დონის დაცვითი სქემა, რომელიც ჩემმა მცველებმა შემოგვთავაზეს."

"რაც შეეხება რამოსს, კლუბის პრეზიდენტთან შეხვედრის დასრულების შემდეგ შევიტყვე, რომ პერესი სერხიოსთან აპირებდა შეხვედრას. ვფიქრობ ორივე მხარე კონსესუს მიაღწევს და ყველანაირი პრობლემა მოგვარდება."

"გუნდში აგრეთვე არის პირველი მეკარის საკითხიც. ამ ეტაპზე მე მყავს ორი მაღალი დონის კიპერი: კეილორ ნავასი და კიკო კასილია. ორივე მათგანმა დღეს ითამაშა. მართალია მათ ბევრი საქმე არ ჰქონიათ, თუმცა მინდა აღვნიშნო, რომ კასილიასა და ნავასს შორის სერიოზული კონკურენცია იქნება."

"სამწუხაროდ ლაზარეთში იმყოფებიან ასიერ ილარამენდი, ლუკა მოდრიჩი და კარიმ ბენზემა. მინდა რომ რაც შეიძლება მალე შემოგვიერთდეს ეს სამი ფეხბურთელი."

Realmadrid.com