ხესე როდრიგესმა დღევანდელ მატჩში გოლის გატანა შეძლო. „კანტერანომ“ მატჩი გააანალიზა...

„ძალიან ბედნიერი ვარ, თავს შესანიშნავად ვგრძნობ და ვფიქრობ, რომ აშკარა პროგრესი მაქვს.“

„გუნდი კარგად მუშაობს და საერთო საქმეს შესანიშნავად აკეთებს.“

„როტაცია აუცილებელია, ვინაიდან ახალი მწვრთნელი გვყავს , რომელიც ოპტიმალურ შემადგენლობას ეძებს. არ გამიკვირდება, ფეხბურთელები კიდევ თუ გამოიცდებიან სხვადასხვა პოზიციაზე.“

„როდესაც მადრიდის „რეალის“ მაისური გაცვია, მუდამ მაქსიმუმს ცდილობ.“

„პრე-სეზონი ნაყოფიერია. ტრავმის გახსენებაც არ მინდა, ვინაიდან თითქმის 1 წელი გამიცდა და სასურველი კონდიციიდან ამოვვარდი. ჩემთვის მთავარია სეზონი სტარტს დამაკმაყოფილებელ ფორმაში შევხვდე.“

„მადრიდის დატოვებაზე არ ვფიქრობ, მთავარმა მწვრთნელმა მითხრა, რომ ბევრი მუშაობა მმართებს, შრომა კი არასდროს მეზარებოდა.“

„რაფაელ ბენიტესი კარგი მწვრთნელია, იმედი მაქვს სათამაშო წუთებს მიბოძებს.“

„შეტევის ნებისმიერ პოზიციაზე შემიძლია თამაში. ცენტრ-ფორვარდობა ჩემთვის უცხო არ არის, მაგრამ მეორე თავდამსხმელად და გარემარბადაც მითამაშია.“

„ბენიტესი უდიდეს გამოცდილებას ფლობს, რომელსაც სწორედ სამეფო კლუბს მოახმარს, მისთვის მთავარია სანახაობრივი თამაში და შედეგი, რაც ემთხვევა ქომაგთა სურვილებს. მოტივაცია არ გვაკლია, მუშაობა კი ყოველთვის საჭირო იყო, არის და იქნება.“

„რამოსის წასვლა? ამაზე საუბარიც ზედმეტია.“