გავრცელებული ინფორმაციით, მადრიდის „რეალი“ ხელმძღვანელობამ კეპლერ პეპესთან დაკავშირებით გადაწყვეტილება მიიღო, რომლის მიხედვითაც, პორტუგალიელ ფეხბურთელს შესაძლებლობა მიეცემა, რომ 2019 წლის 30 ივნისამდე დარჩეს სამეფო კლუბში...

სამიანს კონტრაქტის ამოწურვამდე 1 წელი აქვს დარჩენილი, მის ხელშეკრულებას ვადა 2016 წელს გასდის.

ფლორენტინო პერესმა რაფა ბენიტესთან კონსულტაციის შემდეგ მიიღო გადაწყვეტილება, რომლის მიხედვითაც 1 წელიწადს კიდევ 3 წელიწადი დაემატება და კეპლერს მომდევნო 4 სეზონის განმავლობაში შეეძლება „ბლანკოსის“ ღირსების დაცვა.

პორტუგალიელი 32 წლის არის, 2019-ში კი 36 წლის იქნება, თუმცა მადრიდელები მისი გაყიდვის საშუალებასაც დაიტოვებენ.

თავისუფლად შესაძლებლეი იქნება პეპეს 2017 ან 2018 წელში გაშვება და გარკვეული თანხის მიღება.

2019 წელს წასვლის შემთხვევაში კი პორტუგალიელი უკანახაზელი თავისუფალი აგენტის სტატუსს მიიღებს.

შეგახსენებთ, პერესმა უკვე გააგრძელა ხელშეკრულებები რაფაელ ვარანთან, დანიელ კარვახალთან და მარსელოსთან.