კაზემირო ავსტრალიაში ჩაფრინდა და მადრიდის „რეალს“ შეუერთდა. ოფიციალურ გვერდს ნახევარმცველმა ინტერვიუ მისცა...

თქვენ კვლავაც შეუერთდით კლუბს. კმაყოფილი ხართ?

ეჭვგარეშეა. ერთი წლის განმავლობაში პორტუგალიაში ვასპარეზობდი, სადაც დამატებითი გამოცდილება მივიღე, მაგრამ ჩემი გული ყოველთვის მადრიდში იყო. კმაყოფილი ვარ განვითარებული მოვლენებით.

„პორტუში“ მართლაც საუცხოო სეზონი ჩაატარეთ და რამდენიმე განსაცვიფრებელი გოლიც გაიტანეთ...

დიახ, პირად დონეზე შესანიშნავი სეზონი მქონდა. ჩემპიონთა ლიგაზე მაქსიმალურად წინ წავედით და წარმატების იმედი გვქონდა. ინტენსიურად ვვარჯიშობდი და ვთვლიდი, რომ ყველაფერი კარგად მიდიოდა, თუმცა ჩემი მიზანი ყოველთვის „ბლანკოსის“ ღირსების დაცვა იყო.

როგორ მოგეწონათ პირველი დღეები ავსტრალიაში?

შესანიშნავი. მადრიდის „რეალის“ ტექნიკური პერსონალი ყველაფერს აკეთებს წარმატების მისაღწევად. ფეხბურთელებს გამარჯვებულის მენტალიტეტი აქვთ, ბოლომდე ვიბრძოლებთ ტიტულებისთვის.

რა მოგწონთ რაფაელ ბენიტესში?

ამ ადამიანს უდიდესი გამოცდილება აქვს, რომელსაც „ბლანკოსს“ მოახმარს, ესპანელი ბრწყინვალე მენეჯერია, რომელიც ფეხბურთელების მართვას ახერხებს. ჩვენი მიზანი გამარჯვებისკენაა მიმართული.

14 ნომრიანი მაისური გადმოგცეს, აქვს რამე მნიშვნელობა?

ბუნებრივია. 14 ნომერი საკმაოდ საპასუხისმგებლა. მე ხომ ჩაბი ალონსოდა და გუტიერესის მემკვიდრე ვარ, ორივე მოთამაშემ შესანიშნავი ეპოქა შექმნა ესპანეთის დედაქალაქში.

წინ „სიტისთან“ მატჩი გელით...

დიახ. ინგლისელები საკმაოდ სოლიდურად გამოიყურებიან. იმედი მაქვს, გავიმარჯვებთ, მაგრამ წაგების შემთხვევაშიც არ ვიქნები უკმაყოფილო, რადგან ეს არის პრე-სეზონი, იცდება სხვადასხვა ტაქტიკა, იხვეწება მონახაზები, ფეხბურთელები კომუნიკაციას ამყარებენ მწვრთნელთან და ასე შემდეგ. მთავარია სეზონის სტარტს სასურველ კონდიციაში შევხვდეთ.

რა არის კაზემიროს მიზნები?

მომდევნო სეზონში მაქსიმალური შედეგების ჩვენება მსურს. ბოლომდე ვიბრძოლებ, ისევე როგორც „კასტილიაში“ ვაკეთებდი. შრომაყველაზე მთავარი ასპექტია.“