მადრიდის რეალი მზად არის ბენზემა ლონდონის არსენალში გაუშვას.

მეთოფეებმა უკვე მოამზადეს 45 მილიონიანი შემოთავაზება ფრანგი ფორვარდის სანაცვლოდ. არსენ ვენგერის დიდი სურვილია თანამემამულე ბრიტანეთში წაიყვანოს. მისი აზრით კარიმი იდეალურად მოერგება არსენალის სათამაშო სტილს და დაეხმარება გუნდს პრემიერ ლიგის ტიტულის დაბრუნებაში.

Metro-ს ინფორმაციით, თავიდან პერესი არ აპირებდა თავისი ფავორიტი ფეხბურთელის გაყიდვას, თუმცა მარკო როისის შესაძენად ბლანკოსს თანხების მობილიზება სჭირდება, შესაბამისად 27 წლის ფორვარდის სანაცვლოდ მიღებული თანხა მთლიანად დორტმუნდის ბორუსიას ლიდერის შესაძენად დაიხარჯება.

აღნიშნული ტრანსფერის განხორციელების შემდეგ კრიშტიანო რონალდო ცენტრ ფორვარდის პოზიციაზე გადაიწევს, როისი და ბეილი კი ფლანგებს გაამაგრებენ. არ არის გამორიცხული სამეფო კლუბმა კიდევ ერთი თავდამსხმელი დაიმატოს, რომელიც სათადარიგოთა სკამზე დაიკავებს ადგილს და საჭიროების შემთხვევაში საგრძნობლად გააძლიერებს რეალის შემადგენლობას.