მადრიდის "რეალის" ახალწვეულმა, დანილომ მელბურნში "რომასთან" დამარცხების(პენ 7-6) შემდეგ საკუთარ დებიუტზე და მატჩზე კომენტარი გააკეთა.

"ბედნიერი ვარ, რომ ჩემს ცხოვრებაში ეს ძალიან მნიშვნელოვანი მომენტი დადგა. გავაგრძელებ მუშაობას იმისთვის, რომ მეტი შანსი მივიღო. პირველი მატჩით კმაყოფილი ვარ. მსურს, ადაპტირება მალე გავიარო და ჩემი საუკეთესო მატჩები ვაჩვენო".

"თანაგუნდელებთან ერთად თავს ძალიან კარგად ვგრძნობ. აქ ვარ ისე, როგორც საკუთარ სახლში და ამის გამო ბედნიერი ვარ. ჩემი სამუშაო მართლაც საკმაოდ მძიმეა, უკანა ხაზის მოთამაშეებს დიდი დატვრითვა გვაქვს. ჩემი მიზანი ბევრი ტიტულის მოპოვებაა,"-განაცხადა დანილომ.