ესპანური პრესტიჟული გამოცემის, ABC-ს ინფორმაციით, ანხელ დი მარიას „მანჩესტერიდან“ წასვლა და მადრიდის „რეალში“ დაბრუნება სურს...

არგენტინელმა ფეხბურთელმა ინგლისს შარშან მიაშურა, მისი წასვლით ანჩელოტის გუნდი მნიშვნელოვნად დასუსტდა, ვინაიდან ერთ-ერთი ლიდერი და მამოძრავებელი ძალა იყო.

დი მარია „რეალს“ ჩემპიონთა ლიგის მოგებაში დაეხმარა, ის კრიშტიანო რონალდუსთან შეტევების მთავარი შემოქმედი იყო.

ამ ყველაფერს ვერ ვიტყვით „იუნაიტედზე“, სადაც ანხელი შესაძლებლობების გამოვლენას ვერ ახერხებს.

გავრცელებული ინფორმაციით, რაფა ბენიტესს ანხელი ძალიან მოსწონს, მაგრამ ფლორენტინო პერესის დაყოლიებას ჯერ-ჯერობით ვერ ახერხებს.

დაველოდოთ მოვლენათა განვითარებას.