რაფაელ ბენიტესმა კლუბის ოფიციალურ ვებ-გვერდს ინტერვიუს მისცა...

იკერ კასილიასმა მადრიდის „რეალი“ დატოვა...

კასილიასი კლუბის ისტორიის საუკეთესო მეკარე და ცოცხალი ლეგენდაა, რომელიც სამუდამოდ დარჩება მადრიდისტების გულებში. ის ძალიან მნიშვნელოვანი ფიგურა იყო, მაგრამ წასვლა არჩია, მის გადაწყვეტილებას კი ყველამ პატივი უნდა სცეს. მსურს კიდევ ერთხელ დავაფიქსირო ჩემი აღფრთოვანება და აღტაცება, რომელიც მის მიმართ მაქვს. ვფიქრობ, ის ყოველთვის ემახსოვრებათ მადრიდისტებს. წარმატებებს ვუსურვებ ახალ კლუბში.

კრიშტიანო რონალდუ გუნდს შეუერთდა, ისაუბრეთ?

თავისთავად. ჩვენ ერთმანეთს შევხვდეთ და საკუთარი მოსაზრებები გავაცანით, კრიშტიანო გენიალური ფეხბურთელია, რომელსაც საუკეთესო ფეხბურთის ჩვენება შეუძლია.

სამეფო კლუბი ავსტრალიას პირველად ეწვია, კმაყოფილი ხართ პირობებით?

დიახ, აქ ნამდვილად ყველაფერია იმისათვის, რომ სრულფასოვანი პრე-სეზონი გვქონდეს, გუნდი ინტენსიურად ემზადება. აქ კარგი გარემო და კლიმატია. მოკლედ, რომ ვთქვათ პირობებზე საუბარი ზედმეტადაც კი მიმაჩნია, ყველაფერი უმაღლეს დონეზე დგას.

ამ დღეებში თითოეულ ფეხბურთელს ბოლომდე ტვირთავთ?

ფეხბურთელები მაქსიმალურად ცდილობენ სასურველ კონდიციაში შესვლას, ეს მათთვის ძალიან მნიშვნელოვანია. საშუალება მომეცა, საკუთარ შეგირდებს ხედვები გავაცნო და კომპლექსური სამუშაოები ჩავატარო.

სეზონის წინ რა მიზნები გაქვთ?

ჩვენ გვსურს, რომ მაქსიმუმი გავაკეთოთ და მადრიდის „რეალი“ კვლავაც ქუხდეს, სხვა მიზანი ნამდვილად ვერ იარსებებს.

პრე-სეზონის დასასრულს როგორ გუნდს ელოდებით?

კოლექტივს, რომელიც მოიგებს ყველა თამაშს, ითამაშებს დინამიურ და აგრესიულ ფეხბურთს, გაიტანს უამრავ გოლს და შეძლებს ოქროს მედლების მოპოვებას. ჩვენ გვსურს ისეთი გუნდის შენება, რომელიც იქნება ინტენსიური და სანახაობრივი ფეხბურთის მოყვარული.