გავრცელებული ინფორმაციით, „მანჩესტერის“ ხელმძღვანელობის მხრიდან არაერთი ორაზროვანი პასუხის შემდეგ, მადრიდის „რეალის“ პრეზიდენტი, ფლორენტინო პერესი მიხვდა, რომ საქმე შესაძლოა, ჩიხში შევიდეს, ამიტომ ალტერნატივებზე მუშაობა აქტიურად დაიწყო...

ესპანურ წყაროებზე დაყრდნობით, სამეფო კლუბის ხელმძღვანელობამ „ესპანიოლისთვის“ ოფიციალური წინადადება მოამზადა. პერესი მზად არის, კიკო კასილია, რომელიც „კასტილიის“ აღზრდილია, მშობლიურ კლუბში დააბრუნოს.

28 წლის კიპერი წლების მანძილზე ძალიან დამაჯერებლად ასპარეზობს, რაც დელ ბოსკესაც არ გამორჩენია და ეროვნულ ნაკრებშიც მიიწვია.

კასილია შესანიშნავ კონდიციაში იმყოფება, სწორედ ამიტომ „ბლანკოსის“ ხელმძღვანებას მისი იმედი აქვს.

ჯერ-ჯერობით უცნობია შეთავაზების დეტალები. ასევე არ ხმაურდება კონტრაქტი, რომელსაც პერესი კიკოს უმზადებს.