პირველად თავისი ისტორიის მანძილზე, უელსის ეროვნული ნაკრები ფიფას რეიტინგის საუკეთესო ათეულში მოხვდა

პირველად თავისი ისტორიის მანძილზე , უელსის ეროვნული ნაკრები ფიფას ეროვნული ნაკრებების საუკეთესო ათეულში მოხვდა. კრის კოლემანის შეგირდები მეათე ადგილზე არიან. მათ გაასწრეს ვისენტე დელ ბოსკეს ესპანეთის ეროვნულ ნაკრებს, რომელმაც ბოლო დროს ნაჩვენები შედეგების მიხედვით მე-12 პოზიციაზე გადაინაცვლა.

უელსი აქამდე 22-ე პოზიციას იკავებდა ფიფას რეიტინგში, ხოლო მანამდე კი საერთოდ 116-ე ადგილზე იყო.

გარეთ ბეილის გოლმა ბელგიის ეროვნული ნაკრების კარში, რომლითაც უელსის ეროვნული ნაკრები ევროპის 2016 წლის ჩემპიონატზე გავიდა, უელსი საგრძნობლად დააწინაურა რეიტინგში.

საუკეთესო 10 გუნდის რეიტინგი კი ასე გამოიყურება

1. არგენტინა

2. გერმანია

3. ბელგია

4. კოლუმბია.

5. ნიდერლანდები

6. ბრაზილია.

7. პორტუგალია

8. რუმინეთი

9. ინგლისი

10. უელსი

წყარო: Sport.es