დავიდ დე ხეამ „მანჩესტერთან“ ერთად პრე-სეზონი დაიწყო, მაგრამ გავრცელებული ინფორმაციით, მისი აგენტი ხორხე მენდეში მადრიდში სპეციალური ვიზიტით იმყოფება...

ესპანელ კიპერს სურს, რომ რაც შეიძლება დროულად გადავიდეს სამეფო კლუბში და რაფა ბენიტესის კოლექტივთან ერთად ავსტრალიასა და ჩინეთში გამგზავრება შეძლოს.

დავიდისთვის მადრიდი ნაცნობი ქალაქია, ვინაიდან ესპანელი გახლავთ და წლების მანძილზე იცავდა „ატლეტიკოს“ ღირსებას.

მენდეში „მერენგების“ პრეზიდენტსა და სხვადასხვა დანაყოფის დირექტორებს შეხვდება, სადაც საუბარი საკონტრაქტო დეტალებზე უნდა შედგეს.