ესპანურ საინფორმაციო წყაროებზე დაყრდნობით, ფლორენტინო პერესსა და მადრიდის „რეალის“ მცველს, სერხიო რამოსს შორის აშკარა უთანხმოება არსებობს...

ვიცე-კაპიტანი პრინციპზე დგას. ფლორენტინო პერესი კი ანალოგიურს აკეთებს. პრეზიდენტის აზრით, რამოსმა 7 მილიონ ევროზე მეტი არ უნდა მიიღოს, ესპანელი მცველი კი მინიმუმ 10 მილიონს ითხოვს.

მოქმედი ხელშეკრულება 2017 წლამდე ავალდებულებს მხარეებს, მაგრამ თუ შეთანხმება ვერ მოხდა, მომდევნო სეზონში „ბლანკოსს“ მოთამაშის გაყიდვა მოუწევს, ვინაიდან სხვა შემთხვევაში ის თავისუფალი აგენტის სტატუსს მიიღებს და უსასყიდლოდ გადავა სხვა კოლექტივში.

როგორც სჩანს, ურთიერთობა არც ისე სახარბიელოა.