ABC-ს ინფორმაციით, ანდალუსიური „სევილია“ და „პორტუ“ ლუკას სილვას დამატებით დაინტერესდნენ...

„სევილიელთა“ შემთხვევაში საუბარია 4 წლიან კონტრაქტზე. ანდალუსიელებს ბრაზილიელი ნახევარმცველი ძალიან მოსწონთ და მასში უდიდეს პროფესიონალს ხედავენ.

„პორტუს“ ხელმძღვანელობა კი 2 წლიან იჯარაზეა თანახმა, თანაც იმ პირობით, რომ ერთი წლის შემდეგ ფლორენტინო პერესს ფეხბურთელის გამოსყიდვა შეეძლება.

როგორც სჩანს, პორტუგალიელებს კაზემიროს სცენარის გათამაშება სურთ.

რაფაელ ბენიტესის „რეალში“ არაერთი ცვლილება იგეგმება. ლუკას სილვას შანსები კი მართლაც მინიმალარუა. სამწუხაროდ, ეს ყველაფერი იმ ფონზე ხდება, როდესაც სილვაზე ნადირობდა „ბარსელონა“, „სიტი“ და კიდევ რამდენიმე კლუბი. დღეს კი მასზე საშუალო გუნდები აცხადებენ პრეტენზიას.

შეგახსენებთ, ლუკასის სანაცვლოდ „კრუზეირომ“ 16 მილიონი ევრო მიიღო.

ფეხბურთელს უდიდეს მომავალს უწინასწარმეტყველებენ, თუმცა სათამაშო პრაქტიკის გარეშე განვითარება წარმოუდგენელია.